Tim soek na sy nuwe trompet. Hy speel in ‘n orkes. Hy moet baie vinnig maak, anders is hy laat
vir sy oefening. Sy mamma help hom soek. Hulle soek in die sitkamer onder die bank, in sy
kamer, in sy skooltas, in die kombuis en selfs in die drom! Hulle kan dit nêrens kry nie.
Sy pappa sal so kwaad wees as die trompet weg is. Hy het dit verlede jaar op sy elfde vejaarsdag
vir Tim gekoop. Dit het seker ‘n duisend rand gekos! Hy moet net eers gou sy hande gaan was.
Toe hy die handdoek optel om sy hande af te droog, wat sien hy? Sy trompet lê op die
wasgoedmandjie! Dis waar hy dit gisteraand neergesit het, ook toe hy sy hande moes gaan was.
‘n Mens mag net met skoon hande aan ‘n trompet raak!
