Puella mea passerem habet. Ō, passer, dēliciae meae puellae! Cum passere puella mea lūdit, passerem tenet, passerī digitum dat, digitus ā passere mordētur. Puella nārrat sē passerem amāre. Puella passerem plūs quam oculōs amat. Nam passer est mellītus. Catullus videt passerem esse semper in gremiō puellae. Passer ad dominam semper pīpiat. Catullus tamen vult cum puellā esse et ā puellā amārī. Itaque Catullus passerī invidet. Tū, puella, Catullum amāre dēbēs, nōn passerem. Senēs autem sevērī putant puellam Catullum amāre nōn dēbēre. Verba senum, puella, unīus assis aestimāre possumus. Nam vīta nōn est longa.
