Мәтінмен жұмыс

Last updated over 2 years ago

3 questions

1 топ
Мен-Мәншүкпін,
Солдатымын майданның
Танырмысың естіппе едің атымды?
Ұзақты күн аңдыстық,
Қулығыңды асыруға тырыстың.
Амал не,көзін тауып құлаттым,
Дәл түбінен тигізіппін құлақтың.
Бұл да менің «сыйласымның» біреуі,
Темір крест тағынған.
Аңғардың ба кімнің атқыш екенін.
Әрине,сен келген жоқсын
Қыз қолынан өлуге.
Келгенсің ,сірә, біздің елді күйрете бір жеңуге.
Музыкалы салтанатпен енуге.
Бірақ тәңірім тағдырына жазбапты
Не еткен жым-жырт, тына қапты барлығы.
Зеңбіректің күйген даусы қарлығып,
Тоқтағандай,шынында, айқайлауға жарамай.
Тек мына бір ақ қайыңның жапырағы,
Күбірлейді, күрсінеді, жылайды.
Әлдекімге өмір, бақыт сұрайды.

Дескриптор:
1. Берілген мәтіннен оқшау сөздерді тауып,олардың оқшау сөздің қандай түріне жататынын анықтаңыз.
2. Тақырып негізінде берілген мәтіннің стильдік ерекшелігін тілдік бірліктер арқылы көрсетіңіз.

2 топ
Кеңес Одағының Маршалы И.С.Конев басқарған Бiрiншi Украин майданының «Отан намысы үшiн» атты қызыл әскер газетiнiң 1945 жылғы 8 ақпандағы санындағы мақала «Батыр қыз» деп аталады. «…Қазiр Зоя Досбергенова бiздiң артиллериялық бөлiмшенiң взводында радист болып iстейдi. Шынын айту керек , мұнда осы бiр өткiр қарақат көздi, орта бойлы сымбатты қызды бiлмейтiн жан жоқ… Командованиенiң тапсырмасын үлгiлi орындағаны үшiн Зоя II дәрежелi Отан соғысы орденiмен және «Ерлiгi үшiн» медалiмен наградталды. Дегенмен, Зоя атқарып жүрген қызметiн мiсе тұтпады. Қолына қару алып, майданның алдыңғы шебiне барып, ұрысқа араласқысы келдi. Осы арманына бой ұрған Зоя бiр күнi өзiнiң командирiне келiп, өтiнiш еттi.
Ақыры полковник ұрысқа бой ұрған өжет қыздың тілегін орындады да,қалай екені белгісіз,Зояға қару алып жауға қарсы аттануға рұқсат етті.Зоя батальон комсоргi болып тағайындалды. Қазақтың қайратты қызы бұл қызметте жап-жақсы ұйымдастырушы екенiн, батылдығын көрсеттi. Кеңес батырларының соққысынан тозғындап шегiнген жау маңызды бiр елдi-мекеннiң маңында табан тiреп қарсыласты. Үлкен ұрыс болды. Осы ұрыста рота командирi саптан шықты. Осындай сын сағатта Зоя үлкен батылдық iстедi. Ол бәрiне тым жауапты қызмет жүктедi. Ұрыста ротаны басқарды. Батыр қыздың ерлiгiн көрген полковник:
– Жарайсың, Зоя! Ерлiгiңе Отаның риза! Өркенiң өссiн! – дедi. Осы ұрыстағы ерлiгi үшiн Зоя Досбергенова «Қызыл жұлдыз» орденiмен наградталды».

Дескриптор:
1. Берілген мәтіннен оқшау сөздерді тауып,олардың оқшау сөздің қандай түріне жататынын анықтаңыз.
2. Тақырып негізінде берілген мәтіннің стильдік ерекшелігін тілдік бірліктер арқылы көрсетіңіз.

3 топ
Қызыл Армия әскерлері арасында «Катюша» ретінде танылған БМ-13 дүркін атыс жүйесі Т-34 танкі, Ил-2 штурмовигімен қатар Ұлы Отан соғысында танымал совет брендіне айналды. Жаудың айтып жеткізуге болмайтын үрейін тудырған БМ-13, әрине,1941 жылы әскер қаруына қосылды және 14 шілде күні 15 сағат 15 минутта алғаш рет қолданылды.
«Катюша» әскери танктердің ең қуаттысы болған.Бір танк бірнеше гектар аумақты атқылауға қолайлы етіп жасалған.Демек, «Катюша» марштағы қарсыластың жанды күшін түпкілікті жоюы үшін 1 гектарға 4-5 снаряд, қазып бекінген жанды күшті жоюы 1 гектарға 6-8 снаряд, күшейтілген позицияда орналасқан жанды күш пен атыс бірліктерін жоюы үшін 1 гектарға 30-40 снаряд қажет.
Неміс контрукторлары БМ-13-тің аналогын соғыс аяқталғанға дейін жаса шығуға тырысып бақты бірақ, қанша тырысқанымен жүзеге асырмаған.Олардың себебі бірнеше.Біріншіден, соғыс аяқталған жылдары «Катюша» негізінде аты  аңызға айналған «Град» дүркін атыс жүйелері жасалынды. Екіншіден,уақыт өте олар тағы да дамытылып «Смерчке» сонымен қатар, «Торнадо» жүйесіне айналды.Түйіп айтқанда, бүгінге дейін әлемде бұлардың ешқандай аналогы жоқ.

Дескриптор:
1. Берілген мәтіннен оқшау сөздерді тауып,олардың оқшау сөздің қандай түріне жататынын анықтаңыз.
2. Тақырып негізінде берілген мәтіннің стильдік ерекшелігін тілдік бірліктер арқылы көрсетіңіз.